Headline padh ke soch rahe hoge ki khichadi ki recipe me kya hai.
Ye to har koi janta hai, apne tarike se banata hai or khata hai.
Bachelor ho ya married, Alone ho ya with family.
Pet heavy ho to khichadi, Pet khali karna ho to bhi khichadi.
Tabyat thik na ho to bh khichadi or Tabyat mast ho to isi khushi me khichadi.
To isme blog likhne jaisa kya hai or iski recipe me batane jaisa kya hai.
Are bhai khichadi khane ke itne reason diye hai upar.
Utne hi reason blog ke liye bhi applicable hote hai.
To dosto aye shuru karte hai.... opppss thoda professional hogya..!!
Mainly khichadi ko banane ke 2 tarike hai, ya kah sakte hai 2 tarah ki khichadi hoti hai.
1. simple khichadi
2. exotic khichadi.
pahle hum sikhnge tarika number 1 or fir tarika number 2.
see how difficult it is to explain khichadi. lolzz
1. simple khichadi:
ingredients:
rice 11/2 cup Daal 1 cup.
Aloo, Pyaz, green chilli, tomato (finely chopped)
rai, jeera, haldi, red chilli, dhaniya powder, namak swad anusar
cooking oil 1 table spoon and yaa cooker.
recipe:
rice and dal ko ache se dhoo le or saaf pani me bhiga ke rakh le.
rice ban ke kam foolta hai islye 11/2 cup and daal jyada foolti hai islye 1 cup.
pani ka ratio just double for rice yane ki 3 cup and same for daal yane ke 1 cup
so in total 4 cup saaf pani needed.
cooking process:
cooker gas pe rakh ke gas on karle.
gas on karna nahi likhaa or sach me gas on nahi ki to .... khichadi kachi rah sakti hai :)
cooker me oil dale halka garam hone par rai jeera add kare.
fir chopped green chilli, pyaz, aloo and tomato cooker me dale.
Halka sa bhune max 2 min tak.
fir add kare nama, haldi, red chilli, dhanya powder.
for 1 min tak bhune.
or last me add kare rice+daal and 4 cup pani.
gas ko full onn pe rakh ke tv dekhne chale jaye.
cooker ki 3 citi ane ke baad gas band kare or cooker ko thanda hone ka wait kare.
cooker ko nal ke niche rakh ke thanda na kare. lolzz
cooker ke thana hone par use open kare. Ache se khichadi ko mix kare.
Or at last simple khichadi ka lutf uthaye.
2. exotic khichadi:
ingredients:
rice 11/2 cup Daal 1 cup.
Aloo, Pyaz, green chilli, tomato, gobi, tindly, beans, peanuts, spring onion (finely chopped)
or jo bhi sabji bachi ho fridge me ek do piece wo sab kuch (finely chopped)
heeng, rai, jeera, haldi, red chilli, dhaniya powder, namak,
garam masala/maggie masala/origano/ sabji masala ya jo bh masala ghar me rakha ho
cooking oil 1 table spoon and ghee 1 table spoon
Lemon or dhaniya bhi to khichadi double exotic ho sakti hai :)
kadhai and yaa cooker (or pahle agar usme simple khichadi bana li ho to wash jarur kare)
recipe:
rice and dal ko wash kar le or rice ka double pani and dal ka same pani leke side me rakh le.
yane ke rice 11/2 cup k liye 3cup pani and daal 1cup k liye 1cup pani in total 4 cup saaf pani.
sari sabjia ache se cut kar le or unhe bhi wash kar le.
cooking process:
cooker gas pe rakh ke gas on kare. cooker me 1 spoon ghee add kare.
rice and dall cooker me dale, 4 cup pani add kare
cooker band kare or 3 citi tak wait kare. or 3 citi hone k baad use thanda hone de.
ab kadhai dusri gas pe rakhe ke gas on kare. usme oil dale or halka garam hone de.
oil garam hone per hing or peanuts dale. peanuts ko halka roast hone de .
ab next kadai me rai jeera green chilli and onion add kare.
onion ke halke brown hone par potato and sabjiya add kare.
(tomato add karne ki jaldi na kare warna wo pani chod dega or sabji roast nahi hongi)
2 min cook karen ke baad tomato add kare or thoda sa pani daale (approx 2 table spoon).
ache se mix kar ke kadhai cover kar de or sabjiyo ko ache se pakne de.
kadai ko 2 min ke time inteval me check karte rahe or sabjiyo ko ache se mix karte rahe.
Aisa takriban 6-8 min tak kare. yadi apne beans or tindly add kari hai to 10-12 min cook kare.
sabjiya jab pak jaye to garam masala/ ya jo bhi masale available ho kadai me add kare.
sajyio ke pure pakne par cooker se khichdi nikal ke kadhai me upar se add kare.
ache se khichdi and sabjiyo ko milaye. Apki exotic khichadi ready hai.
留言